AF222a: 75v

fāʾide // ʿilāc ineklerin [!] cāzūlar südlerin ve qaymaqların ilk yaz alurlar rūz‑i Ḥıżr [!] // eyyāmında bir hafta evvel ġāyetde inekleri ol günlerde cāzūlardan ṣaqınmaq // gerekdür imdi ol günlerüñ iki üç yā dört gün muqaddem bir qab içine bir miqdār // ṭuz qoyup ve ol ṭuz üzerine aʿūẕū besmele ile üç fātiḥa ve üç āyetü l‑kürsī // ve üç tebbet ve üç iḫlāṣ ve üçer kerre muʿavviẕeteyn ve tekrār üç fātiḥa ile // ḫatm ėde ve her birin oqıduqça ol ṭuzı qarışdura eliyle üzerine üfüreler daqı [!] // ḥavyānāta yėdüreler inşāʾa llāhu taʿālā cāzūlar mekrinden ḫalāṣ olalar ġāfil mabāş // fāʾide bir kimesne bāġ u baġçeye müdāvemet ėtse ve sebzevāt ekmek dilese // kettān ve kenevir ve ḫıyār ve qavun ve qarbuz lāzīm [!] olan budur ki // yıluñ qış güninde evvelā qar qanġı gün yaġarsa ol‑gün ḫıyārı ve qaʾun // ve cümle sebzevātı eke ġāfil ėtmeye ġāyetle mücerrebdür fāʾide bir kimsenüñ gözine // aq baṣsa ol kişi on beş gün gendü terāşın ṭaşıyup on beş gün geçdükden ṣoñra // terāş olup gendü ṣaçuñ [!] ṭava üzerinde yaqup gözine sürme gibi çeke bi‑ʿināyeti llāhi taʿālā // defʿ ola niçe kerre tecrübe olınmışdur fāʾide bir kimsenüñ gözi perdelense qaplubaġaʾı dutub // qapun yaqup kül eyleyüp sürmeʾi gibi gözine çek perdeʾi giderür mücerrebdür fāʾide diş aġrısından // ṣıġır ödüni diş arasında ve dişler çevresine muḥkem sürüp bir miqdār duta inşāʾa llāhu // taʿālā defʿ niçe kerre tecrübe olınmışdur nevʿ‑i dīger fāʾide diş aġrısına erkege erkek qoyun ödün // ve dişiye dişi qoyunuñ ödün alup dişler çevresin muḥkem sürüp bir miqdār duta // ġāyetle mücerrebdür